Vaŭkavyscu Mikałaju Aŭtuchoviču 18 lutaha było vysunutaje aficyjnaje abvinavačvańnie, paviedamiŭ «NN» advakat Pavieł Sapiełka. Pradprymalnika abvinavačvajuć u parušeńni artykułu 218 častka 3 KK «Naŭmysnaje źniščeńnie ci paškodžańnie majomaści, ździejśnienyja arhanizavanaj hrupaj, jakija pryviali da škody ŭ asabliva bujnym pamiery». Sankcyja pavodle artykułu ad 7 da 12 hadoŭ.
Juryju Lavonavu i Uładzimiru Asipienku vysunuta abvinavačvańnie pa artykule 218 častka 2 KK «Naŭmysnaje źniščeńnie, albo paškodžańnie majomaści, jakoje pryviała da značnych strataŭ». Pavodle hetaha artykułu mužčynam pahražaje ad 3 da 10 hadoŭ źniavoleńnia.
Nahadajem, što žycharoŭ Vaŭkavysku zatrymała 8 lutaha minskaje padraździaleńnie pa baraćbie z arhanizavanaj złačynnaściu «Ałmaz». U toj ža dzień jany byli dastaŭlenyja ŭ Minsk. A pa BT byŭ pakazany repartaž, što na Haradzienščynie zatrymanaja hrupa ludziej, jakija zajmalisia padryvami i padpałami majomaści haradskich čynoŭnikaŭ.
17 lutaha pra aryšty vykazaŭsia Łukašenka, jaki zajaviŭ, što nie dapuścić u krainie teraryzmu i ekstremizmu. «U nas zakon adzin. Zakonnaja zbroja — zachoŭvaj, niezakonnaja — vybačaj. Aŭtamaty, hranaty pryvatniku zachoŭvać nielha», — skazaŭ u Mahilovie kiraŭnik dziaržavy.
Akcyi salidarnaści z Aŭtuchovičam, Lavonavym i Asipienkam prachodziać u Minsku i inšych haradach Biełarusi i zamiežža.
