Viarchoŭny Sud pakinuŭ biez zadavalnieńnia prośbu Maładoha Frontu ab pieradačy ŭ Kanstytucyjny Sud chadajnictva ab pryznańni damovaŭ ab stvareńni adzinaj sistemy SPA i utvareńni siłaŭ aperatyŭnaha reahavańnia ADKB, padpisanych Łukašenkam na pačatku lutaha ŭ Maskvie, supraćzakonnymi, antykanstytucyjnymi i pahažajučymi suverenitetu Biełarusi.
Zhodna ź dziejučym zakanadaŭstvam, dla taho, skarha była razhledžana Kanstytucyjnym Sudom, jaje ŭ KS musić pieradać adzin z 5 nastupnych subjektaŭ: Viarchoŭny Sud, Vyšejšy Haspadarčy Sud, Pałata pradstaŭnikoj, Saviet respubliki ci Saviet ministraŭ.
U svaim adkazie za podpisam namieśnika staršyni Viarchoŭny Sud zaznačyŭ, što sud pieradaść skarhu Kanstytucyjnamu Sudu, kali jon pryjdzie da vysnovy ab supraćzakonnaści zaznačanych damoŭ pry razhladzie kankretnaj sudovaj spravy.
Taksama Maładomu Frontu pryjšoŭ adkaz z Vyšejšaha Haspadarčaha Sudu – jon pieranakiroŭvaje zvarot MFu pa padsudnaści.
