Na minułym tydni zachvaralnaść biełarusaŭ na prastudu i hryp praciahvała rasci.
Pavodle infarmacyi Respublikanskaha centra hihijeny, epidemijałohii i hramadskaha zdaroŭja, u kantrolnych haradach pa miedycynskuju dapamohu źviarnulisia z prastudnymi simptomami 91 420 čałaviek.
A ŭsiaho za pieryjad z 6 kastryčnika 2008 hoda, kali raspačałosia epidemijałahičnaje adsočvańnie situacyi ŭ kantrolnych haradach, na prastudu pierachvareli kala miljona čałaviek.
Pa‑raniejšamu «nie zdajucca» hrypu Viciebščyna i Mahiloŭščyna. Tak, u Viciebskaj vobłasci prociepidemičnyja mierapryjemstvy pravodziacca tolki na terytoryi Dubrovienskaha, a ŭ Mahiloŭskaj vobłasci — na terytoryi Asipovickaha rajonu. Najbolš intensiŭna hrypuje ciapier Homielščyna, dzie akramia abłasnoha centra ŭ epidemičny praces uciahnutyja 16 administracyjnych terytoryj. Na 16 lutaha navučalny praces byŭ spynieny ŭ 75 škołach. Najbolšaja kolkaść škoł, vučni jakich byli adpraŭleny na niezapłanavanyja kanikuły, znoŭ ža na Homielščynie — 27 škoł.Na pačatak hetaha tydnia hrypavali 13 z 18 kantrolnych haradoŭ (Hrodna, Lida, Brest, Pinsk, Babrujsk, Minsk, Homiel, Barysaŭ, Salihorsk, Navapołack, Mazyr, Rečyca, Baranavičy) i 41 rajon.
0
0
0
0
0
0
