kremlin.ru
U Kramli zajavili, što rašeńnie kiraŭnika Biełarusi pra padpisańnie pahadnieńniaŭ ź Jeŭrasajuzam ab spraščeńni vydačy viz i ab readmisii nie adabjecca na intehracyjnych pracesach z Rasijaj, paviedamlaje TASS.
«Heta ŭnutranaja sprava Biełarusi. Heta nie pavinna pieraškadžać dalejšamu raźvićciu intehracyjnych pracesaŭ, bo isnujučyja režymy pamiž Rasijaj i Biełaruśsiu, viadoma, uličvajucca pry praviadzieńni takich pieramovaŭ i tak ci inakš ŭzhadniajucca pamiž partniorami», — zajaviŭ pres-sakratar prezidenta Rasii Dźmitryj Piaskoŭ.
Jon nahadaŭ, što ŭ svoj čas Rasija viała takija ž pieramovy ź Jeŭrasajuzam, da taho «jak adnosiny Maskvy i Brusela byli całkam zhornutyja i zamarožanyja».
Nahadajem, što Alaksandr Łukašenka pryniaŭ rašeńnie padpisać pahadnieńnie ab spraščeńni vizavaha režymu ź ES. Pra heta 20 vieraśnia paviedamiŭ pres-sakratar MZS Biełarusi Anatol Hłaz. Pavodle jaho słoŭ, prezident pryniaŭ takoje rašeńnie, razumiejučy «vysokuju značnaść mabilnaści dla hramadzian našaj krainy i tolki paśla dbajnaj acenki ŭsich mahčymych ryzyk i nastupstvaŭ».
