Žan-Pol Haćje ŭ atačeńni svaich dzieciščaŭ
Kryzis? Skaračeńnie ŭ spažyvańni biezałkaholnych napojaŭ? Zvyčajnaja rekłama napojaŭ užo nie vabić?
Adkaz – treba zaprosić słavutaha dyzajniera dla azdableńnia tary.
U studzieni ŭ Paryžy pačała pradavacca dyjetyčnaja «koka-koła» ŭ butelcy, azdoblenaj dyzajnierkaj Natali Rykiejl. Znajšłasia j nahoda — 20-hodździe brendu Coca-Cola Light.
Skaracilisia prodažy minierałki “Evijan“ na 7 adsotkaŭ? Zrobim novuju kryštalovuju butelku pavodle eskizaŭ dyzajniera Žana-Pola Haćje i budziem pradavać vodu trochi daražej, čym zvyčajna - za 10 jeŭraŭ. Što jašče? Pasprabujem palepšyć ułasny imidž papularnaj temaj pryrodaachovy, kali častka prybytkaŭ idzie da ekałahičnych arhanizacyjaŭ, što apiekujucca pryrodnymi krynicami, i na dabračynnym aŭkcyjonie ŭ Paryžy pradadzim adnu litrovuju butelku za 24 tysiač dalaraŭ, daŭšy ščaślivamu ŭładalniku butelečki aficyjnuju papierku, što heta sama darahi litar vady pavodle knihi rekordaŭ Hinesa.
O, markietynhu čaroŭnyja prynady!