Alaksandr Łukašenka padkreśliŭ, što krainie vyhadna pravodzić bujnyja spartyŭnyja spabornictvy, u tym liku Jeŭrapiejskija hulni: «Pacichu my vučymsia. I prymać haściej. Heta nie strata, heta tvar krainy, imidž. Viadučyja kanały kupili pravy na tranślacyju z hetych hulniaŭ [Jeŭrapiejskich hulniaŭ]».
Alaksandr Łukašenka taksama adznačyŭ, što pry praviadzieńni Jeŭrapiejskich hulniaŭ byli zekanomleny srodki.
«Navat nie ŭsio vykarystali, što vyłučali. My ničoha nie stracili. Tolki ŭ plus», — skazaŭ jon.
Kiraŭnik dziaržavy źviarnuŭ uvahu na toje, što dziakujučy praviadzieńniu padobnych spartyŭnych forumaŭ Biełaruś imkniecca zarekamiendavać siabie stanoŭča ŭ jakaści krainy-haspadyni, kab i ŭ budučyni mieć mahčymaść prymać padobnyja abo navat bolš značnyja spabornictvy.
