Znakamitaje nibyta fota 1934 h. było fejkam,
fota ź Vikipiedyi
Łach-neskaja pačvara, chutčej za ŭsio, była hihanckim vuhrom, zajavili navukoŭcy z Novaj Ziełandyi, jakija vyrašyli skłaści katałoh fłory i faŭny voziera Łoch-Nes, paviedamlaje Bi-bi-si.
Jany praanalizavali vadu ŭ voziery i vyvučyli skład vyjaŭlenaj u joj DNK. Vyśvietliłasia, što nijakich bujnych žyvioł u voziery niama i, chutčej za ŭsio, nie było.
Nie było znojdziena śladoŭ plezijazaŭraŭ (niekatoryja ličyli, što Nesi — dynazaŭr) i navat bujnoj ryby typu łasosia.
Adzinaj žyviołaj u voziery, jakaja mahła dasiahać bujnych pamieraŭ, byŭ vuhor.
Vyklučana taksama i viersija pra toje, što mif pra pačvaru naradziŭsia z-za vielizarnaha soma abo niejkaj inšaj vialikaj ryby, naprykład, hrenłandskaj palarnaj akuły, što vypadkova zabłukała ŭ voziery.
«My nie znajšli ŭ analizach DNK nijakich śladoŭ istoty, navat addalena padobnaj [na dynazaŭra], tak što, prabačcie, mnie zdajecca, što viersija ź plezijazaŭram nie vytrymlivaje krytyki», — skazaŭ hienietyk Nił Hiemeł.
«Ale ŭ vadzie vielmi šmat DNK vuhra. U Łoch-Nes vodzicca šmat hetaj ryby, my znajšli DNK va ŭzorach z usich častak voziera», — miarkuje daśledčyk.
«Sama kolkaść hienietyčnaha materyjału dazvalaje vykazać zdahadku, što vuhry ŭ voziery byli ahramadnych pamieraŭ, — dadaŭ Hiemeł. — My nie možam vyklučać, što istota, jakuju ludzi tut bačyli, i jakuju ličać Łoch-neskaj pačvaraj — heta vuhor».
Asnoŭnaja masa vuhroŭ źjaŭlajecca ŭ aziorach i rekach Šatłandyi z Sarhasava mora, dzie nierastuje hetaja ryba. U pracesie mihracyi jany pieraadolvajuć kala piaci tysiač kiłamietraŭ.