U MUS zaviaršyłasia pravierka pa fakcie parušeńniaŭ pry praviadzieńni alimpijady pa hieahrafii.
Viasnoj stała viadoma, što niekatoryja z udzielnikaŭ respublikanskaj alimpijady pa hieahrafii zahadzia viedali zadańni i adkazy da ich. Takija źviestki im dali nastaŭniki padčas padrychtoŭki.
Bolš za 3 miesiacy pravodziłasia pravierka. Apytali pradstaŭnikoŭ Ministerstva adukacyi, vykładčykaŭ VNU, nastaŭnikaŭ i vučniaŭ.
Ustanoŭlena, što adzin z raspracoŭščykaŭ zadańniaŭ pravodziŭ kansultacyju dla nastaŭnikaŭ pa padrychtoŭcy da alimpijady. Paśla hetaha jon sustreŭsia z dvuma nastaŭnikami, adzin ź jakich byŭ jaho siabram. Padčas razmovy raspracoŭščyk, niahledziačy na raśpisku ab nieraspaŭsiudžvańni źviestak, ahučyŭ niekatoryja temy i napramki, pa jakich rychtavaŭ svoj błok zadańniaŭ, i jany tearetyčna mahli ŭvajści ŭ alimpijadu. Paśla adzin z nastaŭnikaŭ zapisaŭ pačutaje ŭ sšytak i pieradaŭ vučniu, a toj padzialiŭsia z tavaryšami.
Karupcyjnaha składnika ŭ dziejańniach vykładčykaŭ i nastaŭnikaŭ nie znajšli.
Usich datyčnych da hetaj historyi pakarali — zvolnili abo pazbavili premii. Vyniki ž respublikanskaj alimpijady pa hieahrafii całkam anulavanyja.