Paŭabaronca BATE Michaił Sivakoŭ padpisaŭ kantrakt z kłubam «Kaljary» terminam na 3,5 hodu, paviedamlaje Priessboł.
«Kaljary» – kamanda z adnajmiennaha horadu na vostravie Sardynija.
Zasnavany kłub u 1920 h. Upieršyniu ŭ Sieryju A vyjšaŭ u 1964 h. U siezonie 1969/1970 staŭ navat čempijonam Italii.
Apošni raz vychodziŭ u Sieryju A u 2004 h., paśla vyletu ŭ 1997 h. U 2003/2004 h. za kłub vystupaŭ uradženiec Sardynii Džanfranka Dzoła - siońniašni trenier «Uest Chema». A tady jon i dapamoh «Kaljary» viarnucca ŭ elitu.
U minułym siezonie ŭ čempijanacie «Kaljary» zaniaŭ 14-je miesca.
Zaraz idzie na 9-m miescy, majučy 31 punkt. U subotu hulaje ŭ haściach suprać «Juvientusa».
Mianuška hulcoŭ «Kaljary» - čyrvona-sinija abo astravicianie.
Vidać, zabyvajem na svaje byłyja pryjarytety, i chvarejem za «Kaljary»? :)
subota, 21:47
U matčy suprać "Juvientusu", što pačaŭsia ŭ 21:45, Michaił udziełu nie biare, jahonaha proźvišča niama ni ŭ asnoŭnym składzie, ni siarod zapasnych.
***
Ciaham miesiacu BATE pakinuli niekalki hulcoŭ.
Vital Radzivonaŭ pierajšoŭ u «Frajburh», a Hienadź Bliźniuk – u «Frankfurt» (abodva kłuby druhoj niamieckaj bundeślihi). Darečy, zaŭtra adnaŭlajecca čempijanat druhoj niamieckaj bundeślihi. 1 lutaha «Frajburh» zhulaje doma z «Alenam», a «Frankfurt» u haściach z «Miunchienam-1860».
Darečy, u druhoj bundeślizie vystupaje varatar Vasil Chamutoŭski, jon hulaje za «Aŭhsburh», što idzie zaraz na 6-m miescy. «Frajburh» zajmaje 3-je miesca, «Frankfurt» apošniaje, 18-je.
***
Anton Sacharaŭ zaklučyŭ kantrakt z kłubam druhoha rasijskaha dyvizijona – novarasijskim «Čarnamorcam», a Maksim Žaŭnierčyk – z krasnadarskaj «Kubańniu».
Anry Chahuš adpraviŭsia na zbor z čempijonam Rasii – kazanskim «Rubinam».
