«Minsk—Kijeŭ. Samalot Belavia ŭ Žulanach vylecieŭ z uźlotna-pasadačnaj pałasy ŭ pole (nakolki razumieju, pałosy tut dosyć raźbityja). Piłot paśpieŭ zatarmazić, kab nie zajechać u aharodžy. Ale lichtary na poli ŭsio-taki krychu pamiali», — napisała pasažyrka samalota Kasia Syramalot.
U aeraporcie «Kijeŭ» imia Ihara Sikorskaha Tut.by paviedamili, što rejs B2847 ź Minska pavinien byŭ pryziamlicca a 23.40. Pry pasadcy Boeing 737-300 vykaciŭsia za miežy ŭźlotna-pasadačnaj pałasy pryblizna na 100 mietraŭ.
Nichto nie paciarpieŭ. Sam samalot, pa słovach pradstaŭnika aeraporta, atrymaŭ niaznačnyja paškodžańni «ŭ vyhladzie padrapanaj farby».
0
0
0
0
0
0
