Ministerstva zamiežnych spraŭ Estonii siońnia vyklikała pradstaŭnika pasolstva Rasii i vykazała pratest z nahody płanaŭ Maskvy arhanizavać salut 22 vieraśnia, pieradaje Postimees.
Pa słovach ministra zamiežnych spraŭ Estonii Urmasa Rejnsału, paviedamleńnie Rasii ab arhanizacyi salutu ŭ dzień 75-j hadaviny akupacyi Talina savieckimi vojskami — heta pravakacyjny krok.
«Druhaja Suśvietnaja vajna aznačaje dla Estonskaj Respubliki jak niamieckuju, tak i savieckuju akupacyju. U 1944 hodzie paśla vychadu niamieckich vojskaŭ u Talinie zaniaŭ pasadu kanstytucyjny ŭrad Estonskaj Respubliki», — skazaŭ ministr.
Jak paviedamlaje rasijskaja Zachodniaja vajskovaja akruha, u hetym i nastupnym hodzie ŭ Maskvie buduć arhanizavany 17 salutaŭ, kab adznačyć 75-ju hadavinu ŭvachodu savieckich vojskaŭ u stalicy roznych krain.
22 vieraśnia 1944 hoda savieckija vojski ŭvajšli ŭ Talin, i Maskva nazyvaje heta Dniom vyzvaleńnia Talina. U Estonii 22 vieraśnia adznačajecca jak Dzień supracivu, pakolki mienavita ŭ hety dzień 75 hadoŭ tamu savieckija vojski zrynuli zakonny ŭrad Estonii.
