Čaho nia jeŭ Robin Bobin Nienajeda? Čamu biaduje chistki byčok ź vierša Ahnii Barto?
1.Troch parasiatak z kazki Ŭołta Dysneja zvali:
a. Mif‑Mif, Much‑Much i Niuch‑Niuch.
b. Nif‑Nif, Nuf‑Nuf i Naf‑Naf.
v. Pif‑Paf, Pit‑Bul i Pit‑Paŭłaŭ.
2.Čaho nie jeŭ hieroj anhielskaj narodnaj piesieńki Robin‑Bobin Nienajeda:
a. Sorak čałaviek.
b. Try vały, dva husaka.
v. Chepi mił.
3. Chistki byčok ź vierša Ahnii Barto biaduje z pryčyny taho, što:
a. doščačka kančajecca i jon zaraz zvalicca.
b. jon zasmuciŭsia, pačuŭšy navinu, što jaho nie biaruć na zdymki rekłamy enierhietyčnaha napoju «Čyrvony byk»/Red Bull.
v. tolki što daviedaŭsia, što jon nie sysun, a vid ryby.
4.Dadajcie słova ŭ narodnuju kałychanku:. «Huški, huški, prylacieli ….
a. tuški
b. suški
v. ptuški
5. Dziejańnie kazki Ŭładzimira Karatkieviča «Čortaŭ skarb» adbyvajecca ŭ časy, kali:
a. u Biełarusi jašče i čerci vadzilisia.
b. u Biełarusi jašče i bulby nie było.
v. Usie adkazy pravilnyja.
* * *
Pravilnyja adkazy na apytanku vy i vašyja dzietki znojdziecie ŭ znakamitaj «Čytancy dla dziciačaha sadka», jakoje niadaŭna pieravydała Zhurtavańnie biełarusaŭ śvietu «Baćkaŭščyna».
Tut i vieršy dla dzietak, i čaroŭnyja kazki, i kałychanki. Jak tvory biełaruskich aŭtaraŭ, tak i pierakładnaja litaratura.
Čytanka dla dziciačaha sadka. Ukłali Vincuk Viačorka, Piotra Sadoŭski. — Minsk: Medysont, 2008. — 372 st. 1000 as.
