Na praciahu niekalkich miesiacaŭ katalickaja moładź raspracoŭvaje płan restaŭracyi Miadzielskaj Kalvaryi. Z hetaj nahody dva miadzielskija parafijaniny, jakija zajmajucca pytańniem restaŭracyi Kalvaryi, naviedali polski horad Zebžydova ź jaho znakamitaj Kalvaryjaj.Nahadajem, Kalvaryja ŭ Miadziele była zadumana i pabudavana pavodle płana Darohi Kryžovaj ŭ Zebžydovie, polskim miastečku.
Miadzielskaja Kalvaryja stała vielmi papularnaj i pryciahvała natoŭpy pilihrymaŭ. Ale jaje žyćcio pierarvała II suśvietnaja vajna. 2 listapada 1942 h. Kalvaryja, što składałasia z prykładna 40 kaplic, praktyčna była razabrana.
Na ciapierašni momant u Miadziele amal ničoha nie zastałosia sa staraśvieččyny, akramia kaścioła dy razburanych kaplic, jakich z kožnym dniom stanovicca usio mienš.
Dva miadzielskija parafijaniny, jakija zajmajucca pytańniem restaŭracyi Kalvaryi, vyrašyli zładzić vandroŭku ŭ polski horad Zebžydova i naviedać tamtejšuju Kalvaryju.
Na adlehłaści 38 km ad Krakava ŭ kirunku paŭdniova-zachodnim, u padnožža horaŭ Žar i Łanckarony mieścicca Kalvaryja, jakaja składajecca z 44 kaściołaŭ i kaplic, raźmieščanych na praciahu 6 kiłamietraŭ.Architekturna–tapahrafičnaja kampazicyja tutejšaj Kalvaryi vielmi nahadvaje śviatoje miesca ŭ Jerusalimie.
Fundataram Kalvaryi Zebžydoŭskaj z klaštaram Biernardynaŭ byŭ krakaŭski starasta Mikałaj Zebžydoŭski. Starasta žyŭ razam sa svajoj žonkaj Darotaj u svaim zamku na hare Łanckarona, tam i pryjšła dumka pabudavać kalvaryju pry susiedniaj hary Žar.
Sam haradok Zebžydova, naličvajučy kala 15 tysiač žycharoŭ, zabiaśpiečyŭ pilihrymaŭ usim nieabchodnym. Pry klaštary biernardynaŭ jość dom pilihryma (noč 20-50 złotych, zaležyć ad umovaŭ), taksama jość šmat tannych hatelaŭ (siaredni košt 80 złotych). Pytańnia, dzie i čym charčavacca i ŭvohule nie paŭstaje, u Zebžydovie praz kožnyja 300 mietraŭ jość albo kaviarnia, albo stałovaja. Darečy, pry hatelach jość svaja mini-restaracyja, dzie možna i śniedać, i abiedać, i viačerać.
Na praciahu 6 kiłamietraŭ usioj kalvaryi možna zaŭvažyć šmat pryvatnych mini-kaviarniaŭ, dzie pilihrym moža spynicca i pačastavacca harbataj albo chałodnymi napojami.
Kryžovy šlach składajecca ź dźviuch darožak: Isusa i Maryi. Dźvie kryžovyja darožki iduć pobač uvieś čas i ŭ niekatorych miescach złučajucca.
Kaplicy źniešnie pabudavany vielmi padobna, ale kožnaja kaplica Kalvaryi dakładna adlustroŭvaje padzieju stacyi. Na praciahu Kalvaryi pilihrymaŭ ździŭlaje nieskančonaja pryhažość interjeru kaściołaŭ, u jakich adrazu adčuvajecca śviataść i sapraŭdnaść Kalvaryi.
Kaścioł na Kalvaryi – heta miesca, dzie pilihrym pavinien skłaści asnoŭny rachunak sumleńnia.
Kala kožnaj kaplicy i kaścioła miadzialčanie malilisia pa častcy śviatoha ružanca, razvažali nad stacyjami. Na kalvaryi navat jość pabudavanyja Ratuša Piłata i dom Irada. Kala hetych budynkaŭ možna ujavici žachlivy sud ludziej nad Isusam.
Daroha kalvaryi składajecca z vybainaŭ, kamieńniaŭ, piasku. Jość mahčymaść achviaravacca i prajści kryžovy chlach bosym. Asablivaja fizičnaja ciažkaść moža adčucca, kali pryjdziecca padymacca na vializnuju haru pa takich kamianiach, ale kali pilihrym idzie z malitvaj – Boh dapamahaje jamu.
Jość na Kalvaryi i adzin minus – pamiž stacyjaj Piłata i Irada prakłali čyhunku, tamu treba spyniacca i ŭvažliva hladzieć pa bakach, kali jaje pierachodziš.
Ale dobry nastroj ŭ pilihrymaŭ źjaviŭsia nie na pačatku Kalvaryi, a jak tolki jany syšli na prypynak horadu Zebžydova. Adrazu ŭ vačach
na vysačeznaj hare malujecca hałoŭnaja bazylika, na hałoŭnym fasadzie jakoj źmieščana kryvickaja Pahonia.Sam interjer horadu adpaviadaje kalvaryjnym normam: na kožnaj vułačcy jość kaplička, dzie viernik moža pamalicca. Atmaśfiera horadu nahadvaje niejkaje niezvyčajnaje miesca, dzie panuje nie zajzdraść i złość, a luboŭ Chrysta.
Na ciapierašni momant u biełaruskim horadzie Miadzieł jość takaja ž samaja Kalvaryja pa płanie svajoj pabudovy. Raspačynajecca jana z kaścioła, jaki taksama staić na hary. Kala samoha kaścioła była i pieršaja kaplica Kalvaryi (z histaryčnych krynic).
Sama ž kalvaryja ŭ tyja časy była kala 5 kiłamietraŭ, tolki kaplicy, jakija znachodzilisia na praciahu hetych kiłamietraŭ albo źnikli pad čas II suśvietnaj vajny, albo źnikajuć ciapier u mirny čas.
Horad Miadzieł moh by stać padobnym na kalvaryjski horad Zebžydova,ale dla hetaha treba kab bolšaść žycharoŭ hetaha horada zacikavilisia svajoj daŭno zabytaj kulturaj i historyjaj...
