U biełaruskich VNU sioleta pavialičvajuć kolkaść biudžetnych miescaŭ na miedycynskija śpiecyjalnaści. Płatnych taksama stanie bolš — za košt IT, paviedamlaje BiełTA.
Abjomy padrychtoŭki u 2019 hodzie niekalki pavialičany ŭ paraŭnańni ź minułym hodam. «Biudžet» pavialičyli prykładna na 200 miescaŭ, u asnoŭnym za košt miedycynskich śpiecyjalnaściaŭ. Havorka idzie pra miedyka-prafiłaktyčnuju, miedyka-dyjahnastyčnuju spravu, stamatałohiju, piedyjatryju. Akramia taho, u VNU pavialičyli kolkaść biudžetnych miescaŭ na śpiecyjalnaści fizkultury i sportu, spartyŭna-piedahahičnaj dziejnaści. Kolkaść płatnych miescaŭ vyrasła za košt IT-śpiecyjalnaściaŭ. Tut dosyć vialiki pryrost — bolš za 650 miescaŭ. Ahułam u Biełarusi sioleta płanujecca pryniać bolš za 54,5 tysiačy abituryjentaŭ.
Na ŭzrovień siaredniaj śpiecyjalnaj adukacyi nabor taksama pavialičany. Na dzionnaje biudžetnaje adździaleńnie — bolš čym na 500 miescaŭ, pieravažna na miedycynskija śpiecyjalnaści. Usiaho ŭ kaledžy płanujecca pryniać 40,4 tysiačy abituryjentaŭ.
