Amierykanski repier Jay-Z (sapraŭdnaje imia — Šon Kory Karter) staŭ pieršym u śviecie rep-vykanaŭcam, dachod jakoha aceńvajecca ŭ $1 młrd, paviedamlaje Forbes.
Pry acency dachodu Jay-Z vydańnie ŭličvała jaho zarobak, dolu ŭ roznych kampanijach i rabiła papraŭku na ład žyćcia supierzorki.
Siarod aktyvaŭ repiera — vytvorčaść šampanskaha Armand de Brignac ($310 młn), najaŭnyja i ŭkładańni ŭ roznyja kampanii, uklučajučy Uber ($220 młn), sumiesnaje z Bacardi vytvorčaść kańjaku D'Ussé ($100 młn),stryminhavy servis Tidal ($100 młn), kalekcyja pradmietaŭ mastactva ($70 młn), nieruchomaść ($50 młn).
U 2018 hodzie Forbes nazvaŭ Jay-Z adnym z samych vysokaapłatnych muzykaŭ, za hod jon zarabiŭ na kancertach $76,5 młn. Dla paraŭnańnia, jaho žonka Biejonsie hodam raniej atrymała $105 młn.
