Wikimedia Commons
Finansavy partał 24/7 Wall Street skłaŭ rejtynh sotni najlepšych piesień usich časoŭ. Śpis pryvodzić USA Today.
Pry składańni pieraliku ŭličvalisia prodažy kampazicyi, źjaŭleńnie ŭ chit-paradzie Billboard, kolkaść kavieraŭ na pieśniu i jaje papularnaść siarod miełamanaŭ.
Najlepšaj kampazicyjaj u historyi čałaviectva stała pieśnia Yesterday brytanskaha hurta The Beatles, vypuščanaja ŭ 1965 hodzie. Na jaje zapisali 665 kavieraŭ. Jana pratrymałasia na pieršym miescy ŭ chit-paradzie Billboard Hot 100 11 tydniaŭ
Druhi radok zaniała kampazicyja Bridge Over Troubled Water ad dueta Simon & Garfunkel, jakaja vyjšła ŭ 1970 hodzie. Na jaje zapisali bolš za 400 kavieraŭ i jana pratrymałasia ŭ Billboard Hot 100 14 tydniaŭ. Treciaje miesca zavajavała kampazicyja brytanskaj śpiavački Adel Rolling In the Deep 2010 hoda. Jana znachodziłasia ŭ chit-paradzie 65 tydniaŭ i atrymała 84 kaviery.
U top-10 taksama patrapili Hey Jude ad The Beatles, All of Me amierykanskaha śpievaka Džona Ledženda, Bad Romance Łedzi Hahi, Bohemian Rhapsody kalektyvu The Queen, Let It Be ad The Beatles i Ain't No Sunshine Biła Uiziersa.
