Amierykanskaja fieministka i piśmieńnica Naomi Vulf, jakaja niadaŭna apublikavała knihu pra pieraśled hiejaŭ u viktaryjanskija časy, była vymušana pryznać u žyvym efiry BBC, što centralnaja častka jaje arhumientacyi nie adpaviadaje rečaisnaści. Pieradaču možna pasłuchać tut.
Jaje apošniaja kniha «Hanieńni: Seks, cenzura i kryminalizacyja kachańnia» vyjšła ŭ druk u Brytanii na minułym tydni.
U joj Vulf piša, što ŭ viktaryjanskuju epochu hiejaŭ paprostu karali śmierciu. Jana zasnoŭvaje svoj arhumient na archivach centralnaha kryminalnaha suda ŭ Łondanie, viadomaha jak Old Bailey.
U archivach jana vyjaviła mnostva sudovych spraŭ, dzie byŭ vyniesieny prysud «zapisanaja śmierć» (death recorded).
Naomi Vulf interpretavała heta słovazłučeńnie jak prysud da pakarańnia śmierciu, pryviedzieny ŭ vykanańnie.
Ale ŭ žyvym radyjoefiry Bi-bi-si viadučy prainfarmavaŭ jaje, što ŭ tyja časy hetaja fraza aznačała niešta zusim inšaje, a mienavita, što sudździa byŭ upeŭnieny, što ŭ asudžanaha było šmat šancaŭ być pamiłavanym.
Naomi Vulf, jak vyśvietliłasia, pra heta nie padazravała, ličačy, što tak, jak u sučasnaj movie słovy «zapisanaja śmierć» aznačali b, što śmiarotny prysud byŭ pryviedzieny ŭ vykanańnie, to heta aznačała b toje ž samaje na movie XIX stahodździa.
Viadučy Bi-bi-si paśla spytaŭ pra los adnaho z hałoŭnych piersanažaŭ knihi Vulf, padletka Tomasa Silviera, jaki, jak piša aŭtarka, byŭ pakarany za homaseksualnyja adnosiny z chłopčykam.
Silvier adsiedzieŭ dva hady, a zatym jaho vypuścili na paruki. Jaho śmierciu nie karali.
Zatym viadučy Bi-bi-si adznačyŭ, što choć u knizie Naomi Vulf śćviardžajecca, što ŭ viktaryjanskuju epochu byli pakaranyja dziasiatki hiejaŭ, ale nasamreč niama nivodnaha prykładu padobnych pakarańniaŭ śmierciu.
Vulf adkazała na heta, što pytańnie ab jurydyčnych terminach XIX stahodździa varta vyvučyć bolš uvažliva.
Vulf stała viadomaj jašče ŭ 1980-ch hadach, kali padčas navučańnia ŭ Oksfardzie jana napisała knihu «Mif pra pryhažość: Stereatypy suprać žančyn». Jaje nastupnaja našumiełaja kniha atrymała nazvu «Vahina: Novaja historyja žanočaj seksualnaści».
