U Hiermanii palicyja štrafuje prajeznych kiroŭcaŭ, jakija sprabujuć zrabić fota ź miesca avaryi, na 128,5 jeŭra.
Videa pracy patrulnych źjaviłasia na staroncy DW u Twitter.
U roliku adznačajecca, što palicejskija nie prosta štrafujuć kiroŭcaŭ-raziavak. Jany spyniajuć aŭto, jakoje prytarmaziła na miescy DTZ, prapanujuć parušalniku prajści da zahinułych achviar sutyknieńniaŭ, pavitacca ź imi i zrabić fota.
«Jon vuń tam lažyć, chočacie pahladzieć na jaho? Nie? Navošta tady zdymajecie? Kali chočacie — možacie pajści ź im pavitacca», — źviartajecca pravaachoŭnik da kiroŭcy-paparacy.
Takim čynam patrulnyja pakazvajuć, nakolki podła zdymać miesca avaryi. Jany sprabujuć nie prosta aštrafavać, a mienavita navučyć i danieści da aŭtamabilista, što zdymać miesca śmierci — heta amaralna.
Publikujecca ŭ miežach śpiecyjalnaj rubryki «Naviny Hiermanii»
