27 traŭnia Respublikanskaja manumientalnaja rada adzinahałosna zaćvierdziła kančatkovuju madel pomnika Hiedyminu ŭ realnuju vieličyniu. Jon na fota, zrobleny z hliny. Ciapier z hetaj madeli Skulpturny kambinat vyrabić formy dla adliŭki pomnika ŭ bronzie, pieradaje telehram-kanał SYMBAL.BY.
Taksama na finalnaj stadyi znachodziacca pracy pa vyrabie pastamienta, jaki budzie ablicavany hranitam u koler zamka. Na pastamiencie raźmieściać nadpis «Hiedymin» i hierb «Kalumny».
Uračystaje adkryćcio pomnika i druhoj viežy Lidskaha zamka adbudziecca hetaj vosieńniu ŭ Dzień horada Lida — 7 vieraśnia. U hety ž dzień u horadzie budzie adbyvacca fiestyval Lidbeer-2019. A ŭ 2020-m hodzie Lida stanie kulturnaj stalicaj Biełarusi. Ruchavikom stvareńnia i ŭstaloŭki pomnika Hiedyminu ŭ Lidzie staŭ Lidski rajvykankam i jaho kiraŭnictva, architektar Siarhiej Bahłasaŭ, skulptary Siarhiej Ahanaŭ i Volha Niačaj, historyk Mikałaj Płavinski.
