Ellen Moynihan, New York Daily New
16-hadovaja koška Sima, jakaja pierajechała ź Biełarusi, stała zorkaj amierykanskaha Bruklina, piša Tut.by sa spasyłkaj na New York Daily News.
U dziacinstvie Sima (paroda mejn-kun) była biazdomnym kacianiom. Potym jaje zabrała da siabie biełaruska Alena Rykava (Elena Rykoff). Žančyna dazvalała kotcy hulać kolki chočacca.
— Jana chadziła ŭ les, chadziła da rybakoŭ, siadzieła ź imi i viartałasia dadomu ŭnačy. Usie častavali jaje rybaj, — raskazvaje Alena.
Sima pražyła ŭ Biełarusi 11 hadoŭ. Kali Alena źjechała ŭ ZŠA, kotka niejki čas zastavałasia ź jaje mamaj i babulaj. Ale praź niekatory čas, u 2014-m, jaje zabrali na inšy kantynient.
Tam Sima adrazu ździviła amierykancaŭ svaim volnym noravam.
— Pieršyja miesiacy byli ciažkimi, bo ludzi telefanavali nam: «Vaš kot zhubiŭsia, my znajšli jaho tam i tam», — kaža haspadynia. — My sprabavali rastłumačyć, što ŭsio ŭ paradku, što heta narmalna.
Narešcie Mark, muž Aleny, zrabiŭ tabličku na bramie doma, u jakim žyvie ich siamja. Nadpis abviaščaŭ: «Mianie zavuć Sima. Mnie dazvalajuć vychodzić na vulicu». Paśla hetaha zvanki spynilisia.
Jak raspaviali miascovyja žychary, Sima vyrazna dała zrazumieć inšym žyviołam, kamu naležyć susiedniaja terytoryja. Ad biasstrašnaj koški ŭciakajuć navat sabaki.
A haspadynia Simy dziakujučy svajoj krasuni paznajomiłasia z usimi susiedziami.
