Deputaty Pałaty pradstaŭnikoŭ pryniali zakonaprajekt ab ratyfikacyi mižuradavaha pahadnieńnia ab uzajemnaj admienie viz ź Fiederacyjaj Sient-Kits i Nievis.
Heta astraŭnaja dziaržava ŭ Karybskim mory. Raniej jana była brytanskaj kałonijaj, a ciapier uvachodzić u Brytanskuju sadružnaść jak niezaležnaja kraina, paviedamlaje Office.Life.
Fiederacyja dvuch astravoŭ zarablaje na afšornym bankaŭskim absłuhoŭvańni. Taksama šerah kampanij prapanoŭvajuć pasrednickija pasłuhi pa atrymańni hramadzianstva hetaj krainy ŭzamien na inviestycyi.
Pahadnieńnie dazvolić biełaruskim hramadzianam pryjazdžać na astravy bieź vizy na termin da 30 dzion za adnu pajezdku. Čas znachodžańnia na terytoryi fiederacyi nie pavinien pieravyšać 90 dzion na hod. Toje ž budzie dziejničać u Biełarusi dla hramadzian Sient-Kits i Nievis.
