Stvaralnik Ukantakcie i Telehrama Pavieł Duraŭ zajaviŭ, što ŭ jaho dobraje adčuvańnie adnosna budučyni Ukrainy i jon rady, što partyja Zialenskaha abrała libiertaryjanstva ŭ jakaści svajoj ideałohii.
Pavieł Duraŭ apublikavaŭ u svaim Telegram-kanale zapis, dzie prakamientavaŭ zajavu daradcy Zialenskaha pra vybar libiertaryjanstva ŭ jakaści ideałohii partyi «Słuha naroda».
Zasnavalnik Telegram zajaviŭ, što rady vybaru partyi novaha prezidenta Ukrainy. «U mianie dobraje adčuvańnie adnosna budučyni Ukrainy», — dadaŭ Duraŭ.
«Ahułam, u krain byłoha SSSR vielizarny patencyjał. Asabliva pierśpiektyŭnyja miescy z prahresiŭnaj padatkovaj palitykaj. Nulavy karparatyŭny padatak i elektronnaje hramadzianstva ŭ Estonii. Unikalnaja prastata padatkovaha i vizavaha režymu ŭ Hruzii. Takoha kštałtu rečy robiać krainy cikavymi dla biznesu»,
— zajaviŭ Duraŭ.