«Bieły polus» šukaje dziaŭčynu, jakoj padoryć cełaje vasilkovaje pole. Za prava stać tvaram brenda i haspadyniaj 250-mietrovaj vasilkovaj kłumby ŭ Bataničnym sadzie, a taksama atrymać hadavy zapas marožanaha «Vałoška» moža pazmahacca kožnaja ŭładalnica vasilkovych vačej ad 18 da 25 hadoŭ.
Dla hetaha treba zapoŭnić zajaŭku, raźmiaścić u instahram-profili svajo fota z chešteham #iavałoška da 31 traŭnia i čakać, što žury konkursu — Mis Jeŭropa Maryja Vasilevič i prafiesijny fatohraf — abiare mienavita vas.
30 krasavika na ŭvachodzie ŭ minski Centralny bataničny sad źjaviłasia vasilkovaje pole pamieram u 250 kvadratnych mietraŭ. Vinoŭnik kłumby takich vialikich pamieraŭ — brend «Bieły polus», jaki 13 maja prezientavaŭ maroziva «Vałoška». Pa słovach inicyjatara prajekta, prykładna 250 kvadratnych mietraŭ vasilkoŭ spatrebicca, kab nakarmić kvietkavym marozivam usich naviedvalnikaŭ bataničnaha sadu na praciahu dnia.
Vasilkovaje pole nazavuć u honar dziaŭčyny, jakaja lubić kvietki nie mienš za marožanaje. Hierainia zmoža sama prydumać nazvu kłumbie, a kali raśliny ŭzyduć, «Bieły polus» padoryć dziaŭčynie sieryju fatahrafij na fonie tysiač błakitnych kvietak ad prafiesijnaha fatohrafa. Uvieś siezon haspadynia vasilkovych płantacyj zmoža prychodzić da svajoj kłumby i inšych aranžarej Bataničnaha sadu pa bieźlimitnym abaniemiencie. U dziaŭčyny taksama budzie mahčymaść dahladać kvietki i palivać ich, ale prymušać jaje da hetaha nichto nie źbirajecca: pole dahladajuć rabotniki Bataničnaha sadu.
Akramia vałoškavaha pola ŭ centry stalicy, fatahrafij i siezonnaha bieźlimitu ŭ Bataničny sad, dziaŭčyna atrymaje zapas marožanaha na cełaje leta — 100 pačkaŭ «Vałošak». Kab pazmahacca za hetyja pryzy, błakitnavokaj biełaruscy treba vykłaści ŭ instahram svajo fota z chešteham #iavałoška i zapoŭnić ankietu, napisaŭšy karotkuju matyvacyju i adkazaŭšy na try prostyja pytańni ab vasilkach. Imia pieramožcy členy žury i stvaralniki marožanaha «Vałoška» abvieściać u instahram-profili @belypolus 5 červienia.
Daviedka
Vasilkovaje maroziva «Bieły polus Vałoška» — płambir z dadańniem kvietak vasilka i nasieńnia lonu ŭ žytnim kubačku. Vasilok, žyta i lon — papularnyja kulturnyja simvały Biełarusi: siońnia, jak i tysiačy hadoŭ nazad, jany kožny hod prarastajuć na miascovych palach. Zadumka vytvorcaŭ — stvaryć nacyjanalny desiert, jaki turyst pasprabuje tolki ŭ Biełarusi i ŭ litaralnym sensie adčuje krainu na smak.
