U Biełarusi ciapier niama nieabchodnaści ŭ stvareńni vyšejšaj navučalnaj ustanovy, jakaja b śpiecyjalizavałasia tolki na padrychtoŭcy kadraŭ dla IT-haliny. Takoje mierkavańnie vykazaŭ načalnik hałoŭnaha ŭpraŭleńnia prafiesijnaj adukacyi Ministerstva adukacyi Siarhiej Kaśpiarovič padčas kruhłaha stała «IT-abituryjent 2019», pieradaje BiełTA.
Pa słovach pradstaŭnika Minadukacyi, amal 20 univiersitetaŭ, jakija isnujuć u krainie i rychtujuć IT-śpiecyjalistaŭ, vielmi paśpiachova vyrašajuć hetuju zadaču. Aktualniej, ličyć jon, kazać pra nieabchodnaść farmiravańnia asiarodździa, jakoje b dadatkova dapamahała śpiecyjalistam raźvivacca — havorka jak pra jašče nie sfarmavanych śpiecyjalistaŭ (studentaŭ), tak i ŭžo hatovych, jakija pačynajuć svoj šlach, dumajuć źmianić prafiesijnuju trajektoryju.
«Siońnia šmat havorycca ab hnutkaści prahramy. IT-halina chutka raźvivajecca, i nibyta kłasičnyja ŭniviersitety nie ŭ stanie hetuju hnutkaść zabiaśpiečyć, — adznačyŭ Siarhiej Kaśpiarovič. — Ale na samoj spravie heta zusim nie tak: usio možna mianiać chutka, u tym liku źmiest adukacyi».
