Papularny miesiendžar Viber zapuskaje poŭnafunkcyjanalnuju biełaruskuju viersiju. U honar takoha abnaŭleńnia kamanda dadatka praviała konkurs pa raspracoŭcy śpiecyjalnaha ścikierpaka siarod biełaruskich ilustrataraŭ. Nieabchodna było da 10 maja padać zajaŭku z apisańniem kancepcyi paka, jaho nazvaj i dasłać try namalavanyja kalarovyja ścikiery.
Žury aznajomiłasia z 20 prajektami i sfarmiravała ź ich šort-list, abraŭšy 6 pieramožcaŭ i abviaściła start aficyjnaha hałasavańnia za pieramožcu konkursu «Viber pa-biełarusku».
«Aŭtar, čyj prajekt nabiare najbolš hałasoŭ, atrymaje zvańnie «Aficyjny dyzajnier Viber u Biełarusi» i hałoŭny pryz u pamiery 6 tysiač biełaruskich rubloŭ!» — paviedamlaje kamanda, jakaja stvaraje biełaruskamoŭnuju viersiju miesiendžara.
Hałasavańnie pradoŭžycca da 13:00 21 maja. Hałasavać treba sa smartfonaŭ.
Šort-list finalistaŭ nižej.
Čylik Anatol i Nikałajeva Alina. Kancepcyja: «Lesavičok»
Kaznadziej Kaciaryna. Kancepcyja: «Biełaruskija iraničnyja stykiery»
Marčankaŭ Pavieł i Jelisiejeva Hanna. Kancepcyja: «Biełaruś roznaja»
Baran Uładzimir. Kancepcyja: «Pačvara»
Čarapanava Iryna. Kancepcyja: «Prostaja mova»
Hančarova Lizavieta. Kancepcyja: «Rodnaje / Svajo»
