Z 20 maja — čarhovaha Suśvietnaha dnia mietrałohii — navukoŭcy bolš nie buduć vymiarać vahu z dapamohaj fizičnaha pradmieta, paviedamlaje Engadget.
Było vyrašana admovicca ad cylindryčnaha kavałka płacina-irydyjevaha spłavu, jaki znachodzicca ŭ vakuumnaj pasudzinie ŭ paryžskaj łabaratoryi.
Prablema była ŭ tym, što navat znachodziačysia ŭ absalutna sterylnych umovach, idealna dakładny kiłahramovy cylindr usio adno hublaje atamy. Heta skažaje hałoŭnuju mierku vahi na płaniecie, i etałonny kiłahram pavoli hublaje svaju vahu.
Za 130 hadoŭ cylindr moh stracić kala 50 mikrahramaŭ.
Ciapier za dakładnuju vahu kiłahrama budzie adkazvać tak zvany «bałans Kibła» abo «šali Vata», jakija vyznačajuć vahu praz pastajannuju Płanka — asnoŭnuju kanstantu kvantavaj teoryi.
Pryłada praduhledžvaje stvareńnie pastajannaj kolkaści elektramahnitnaj enierhii, jakaja nieabchodna dla ŭraŭnavažvańnia adnaho kiłahrama. Mierkaj stanie elektryčny tok i napružańnie, praparcyjnaje sile mahnitnaha pola etałonnaha kiłahrama.
