Pamior Grumpy Cat. Pra heta paviedamili jaho haspadary praz aficyjny akaŭnt kata ŭ tvitary. Heta była koška, i joj było siem hadoŭ.
«Jana spakojna pamierła doma na rukach u svajoj mamy Tabaty ranicaj u aŭtorak, 14 maja», - havorycca ŭ publikacyi. Haspadary koški padkreślili, što Grumpy Cat «dapamahła miljonam ludziej pa ŭsim śviecie ŭśmichacca navat u samyja ciažkija časy».
Žyvioła pamierła ad uskładnieńniaŭ, vyklikanych infiekcyjaj močavyvodnych šlachoŭ.
Historyja «Siardzitaj koški» raspačałasia 22 vieraśnia 2012 h., kali karystalnik «Katalijadzis» vykłaŭ u błohi Reddit fatahrafii svajoj koški, jakaja adroźnivajecca vielmi nieardynarnaj źniešnaściu.
Vyraz tvaru žyvioły byŭ taki, što zdajecca, što jana čymści niezadavolena. Spačatku karystalniki ŭ kamientarach mierkavali, što heta vynik fotašopa. Usie sumnieńni błohieraŭ źnikli, kali haspadar vykłaŭ videa na Youtube. Koška atrymała mianušku Grumpy Cat (siardzity ci svarlivy) i chutka stała hierojem raznastajnych miemaŭ.
Sapraŭdnaje imia žyvioły — Soŭs Tartar (Tardar Sauce), abo skaročana Tardjo. Pryčynaj niezvyčajnaha vonkavaha vyhladu staŭ hien karlikavaści, choć baćki Tardjo — samyja zvyčajnyja kot i koška.
