Arhaničnyja chłarydy, jakija transpartujucca razam z naftaj pa trubapravodach, nie majuć karazijnaj aktyŭnaści da materyjału trubapravodaŭ, abstalavańnia i kanstrukcyj reziervuaraŭ. Zabrudžanaja arhaničnymi chłarydami nafta mahła paškodzić tolki abstalavańnie na naftapierapracoŭčych zavodach. Pra heta havorycca ŭ paviedamleńni pres-słužby rasijskaj kampanii «Transnafta».
Raniej ułady Biełarusi śćviardžali, što z-za papadańnia ŭ mahistralny naftapravod niajakasnaj rasijskaj syraviny paciarpieła darahoje abstalavańnie na NPZ i sam trubapravod.
U rasijskaj kampanii pryznali, što arhaničnyja chłarydy majuć krytyčny ŭpłyŭ na pracu abstalavańnia naftapierapracoŭčych zavodaŭ. Pad uździejańniem vysokich tempieratur (bolš za 150°S) na NPZ arhaničnyja chłarydy raskładajucca z vyłučeńniem salanaj kisłaty, jakaja pryvodzić da značnaj karozii ŭnutranaj pavierchni trubapravodaŭ i abstalavańnia NPZ.
A voś u trubapravodach takoj prablemy niama, bo pry tempieraturach pierapampoŭki, pryniatych u rasijskaj kampanii (5-40°S) raskładańnia arhaničnych chłarydaŭ nie adbyvajecca i tym samym adsutničaje imaviernaść niehatyŭnaha karazijnaha ŭpłyvu na pracu mahistralnaj trubapravodnaj sistemy, havorycca ŭ paviedamleńni.
