Sud prysiažnych u Kalifornii abaviazaŭ kampaniju Bayer zapłacić bolš za dva miljardy dalaraŭ pa pazovie siamiejnaj pary, u jakich dyjahnastavali niechodžskinskuju limfomu paśla vykarystańnia hierbicydu z hlifasatam Roundup, paviedamlaje Reuters
Mužčynie i žančynie pastavili dyjahnazy ŭ 2011 i 2015 hadach (zaraz i muž, i žonka znachodziacca ŭ remisii). Jany śćviardžajuć, što pryčynaj zachvorvańniaŭ staŭ hierbicyd Roundup, jakim jany karystalisia bolš za 30 hadoŭ.
Prysiažnyja pryjšli da vysnovy, što Bayer nie papiaredziła pakupnikoŭ hierbicydu pra toje, što jon moža vyklikać rak. Pazoŭnikam prysudzili 2,055 miljarda dalaraŭ. Reuters adznačaje, što sud vyšejšaj instancyi, chutčej za ŭsio, źnizić sumu kampiensacyi. Bayer ŭžo zajaviła, što budzie abskardžvać vierdykt.
