Siońnia, 24 krasavika, u Breście raspačalisia sudy nad praciŭnikami akumulatarnaha zavoda, jakija byli zatrymany 12 i 14 krasavika, piša spring96.org.
Pieršym sudzili Vitala Kazaka. Jaho vinavacili ŭ tym, što jon udzielničaŭ u šeści 14 krasavika. Svaju vinu Kazak nie pryznaŭ. Vynik — 30 bazavych vieličyń (765 rubloŭ) za parušeńnie artykuła 23.34 KaAP (arhanizacyja ci ŭdzieł u niesankcyjanavanym masavym mierapryjemstvie).
Viktar Sender, jaki byŭ zatrymany AMAPam paśla šeścia 14 krasavika, aštrafavany na 5 bazavych (127,5 rubloŭ) pa tym ža artykule. Abodvuch aktyvistaŭ sudziŭ sudździa Leninskaha suda Dźmitryj Šuryn. Śviedkami, jak zaŭsiody, vystupili milicyjanty Leninskaha RAUS.
Paśla abiedu prajšli pracesy nad Aleham Viałavym i Dźmitryjem Andrasiukom.
Aleh Viałaŭ pryznany vinavatym i aštrafavany na 25 bazavych (637,5 rubloŭ).
Dźmitryju Andrasiuk — štraf u 40 bazavych (1 020 rubloŭ). Sam Andrasiuk na abviaščeńni rašeńnia nie byŭ — sudździa vydaliŭ jaho z zali za parušeńnie paradku i niepavahu da sudu.
