12 studzienia ŭ Łos-Anželesie prajšła cyrymonija «Załaty Hłobus». U kinaśviecie premija ličycca druhoj pa značnaści paśla «Oskara».
Najlepšaj stužkaj pryznanaja amierykana-bambiejskaja karcina Deni Bojła «Miljanier z truščobaŭ». Heta kryminalnaja drama pra žyćcio indyjskaha padletka. Film taksama atrymaŭ uznaharody za najlepšuju režysuru i scenar.
Miki Rurk nazvany najlepšym aktoram za stužku «Barec» Darena Aranoŭskaha. Karcina pra spartoŭca, jaki apošni raz vychodzić na rynh, raniej atrymała ŭznaharodu Vieniecyjanskaha kinafestu.
Kiejt Ŭinślet stałasia ŭładalnicaj dvuch «Załatych hłobusaŭ» – za druhapłanavuju rolu ŭ «Čytalniku» i najlepšuju žanočuju rolu ŭ filmie Sema Mendesa «Revalucyjnaja daroha».
Najlepšaja animacyja – «Valli», a najlepšaja kamiedyjnaja rola ŭ Kolina Fareła («Zalehčy na dno ŭ Bruhie»).
Paśmiarotny «Załaty hłobus» byŭ prysudžany Chitu Ledžeru – za najlepšuju rolu druhoha płanu błazna-psichapata ŭ zmročnym komiksie «Ciomny rycar».
