20 rubloŭ — ale ž heta mieniej za adzin amierykanski cent. A ci mahčyma ŭ Biełarusi nabyć štości na 20 rubloŭ? Ničoha. Karabok zapałak kaštuje 40 rubloŭ. Bačyŭ karcinu — padyšoŭ bomž da vykinutaj butelki, valalisia 20 rubloŭ, padniaŭ pustuju butelku, a hrošy tak i zastalisia valacca.
Šanoŭny Prakapovič, pahladzicie na hetuju banknotu — 20 rubloŭ — tam namalavany Nacyjanalny bank. Inšy pahladzić, što na «Nacyjanalny bank» ničoha nie kupiš, dy mianiaje biełaruskija rubli na jeŭra, dalary. Tak vykazvaje niedavier da ŭłady.
Padčas kryzisu 1998 h. u Paŭdniovaj Karei hramadzianie panieśli dalary i zołata ŭ banki. Navat stajali ŭ čerhach. Čamu? Adkaz na pavierchni — davier da ŭłady. A heta kaštuje bolš za ŭsio. 2,5 miljony pracoŭnych, pryniasicie z «pančochi» pa 1000 dalaraŭ. Voś vam i 2,5 miljarda dalaraŭ. Nie patrebien byŭ by kredyt ni Rasii, ni Valutnaha fondu.
