Pryčyna časovaha adklučeńnia elektraenierhii na pradpryjemstvach — paškodžańnie raźmierkavalnaha prystasavańnia na CEC-2.
«Mierkavanaja pryčyna pierabojaŭ z elektraenierhijaj — razbureńnie prachadnoha izalatara VŁ raźmierkavalnaha prystasavańnia na CEC-2», — paviedamili ŭ centry.
10 studzienia ŭ 15.35 u centr apieratyŭnaha ŭpraŭleńnia pry Hrodzienskim abłasnym upraŭleńni MNS pastupiła paviedamleńnie ab źnižeńni padačy elektraenierhii z 60 MVt da 10 MVt na AAT «Hrodna Azot» i skačku napružańnia na AAT «Hrodna Chimvałakno» biez parušeńnia technałahičnaha pracesu.
Čas źnižeńnia padačy elektraenierhii na «Hrodna Azot» skłaŭ 6 chvilin. U vyniku adbyłosia avaryjnaje adklučeńnie cechaŭ «Amijak-4», «Mietanoł», «Karbamid-2, 3, 4», «Cykłahieksanoł-1, 2», «Kaprałaktam-1, 2», «Oleum» i cecha hidryravańnia bienzołu.
Na «Hrodna Chimvałakno» časova spynilisia dva pradzilnyja, kacielny i enierhietyčny cechi. U 16.18 praca cechaŭ była adnoŭlena. «Miarkujemaja pryčyna pierabojaŭ z elektraenierhijaj — razbureńnie prachadnoha izalatara VŁ raźmierkavalnaha prystasavańnia na CEC-2», — paviedamili ŭ centry MNS.
U paniadziełak «Azot» adnaviŭ vypusk usich vidaŭ pradukcyi, paviedamiŭ hiendyrektar pradpryjemstva Alaksandr Radzievič. Pa jaho słovach, na poŭnuju mahutnaść zavod vyjdzie da ranicy 14 studzienia.
Śpiecyjalnaja kamisija ciapier zajmajecca vyśviatleńniem pryčyn incydentu.
