Značyć, i Biełarusi varta rychtavacca da kryzisu praciahłaha i hłybokaha.
Pierad Novym hodam rasijskaj sacyjałahičnaj słužbaj FOM było praviedzienaje daśledavańnie na 6000 respandentach, padčas jakoha vyśvietliłasia, što tolki za śniežań u Rasii było zvolniena pryblizna 2,9% pracazdolnych hramadzian, h.zn. 2,1 młn čałaviek.
Ahułam kolkaść tych, chto kvalifikuje siabie jak «biespracoŭny», składaje amal 10,9% ad kolkaści pracazdolnych hramadzian Rasii, to bok amal 7,9 młn čałaviek.
«AvtoVAZ» staić z 29 śniežnia da 2 lutaha, zavod Ford va Ŭsievałožsku spyniŭ kanviejer da 21 studzienia, Uljanaŭski aŭtazavod (UAZ) zładziŭ vakacyi z 25 śniežnia da 9 lutaha, KamAZ spyniŭ hałoŭny kanviejer z 19 śniežnia na miesiac.
Dla asobnych kampanijaŭ skaračeńni dasiahnuli pahroźlivych pamieraŭ. Tak, inviestycyjnaja hrupa «Kapitał'» abviaściła ab zvalnieńni 80% supracoŭnikaŭ, pavodle «Sokratili.ru», «Jakutuhol» — 50%, MDM‑bank — pryblizna 40%. AAT «Čielabinskaja uholnaja kompanija» pazbaviłasia, taksama jak i zavod KamAZ, 3000 čałaviek, AAT «Avtodiziel» — 2300 rabotnikaŭ, HMK «Norilskij nikiel» skaraciŭ tolki ŭ centralnym aparacie 220 čałaviek i jašče 1150 čałaviek na daččynych pradpryjemstvach.
Spynieńnie vytvorčaściaŭ u Rasii adabjecca na popycie na biełaruskija kamplektujučyja. U takich umovach sproby ŭładaŭ zachavać poŭnuju zaniataść u Biełarusi pryviaduć da asłableńnia finansavaj sistemy krainy.
