Vyhladaje na toje, što čakać paŭtareńnie letašnich pradprymalnickich pratestaŭ sioleta nie vypadaje. Pieršuju akcyju drobnych handlaroŭ u novym hodzie navažyŭsia pravieści Alaksandr Makajeŭ. Napiaredadni razasłaŭ žurnalistam sms‑ki, kab źbiralisia a 12 na Kastryčnickaj płoščy. Pradstaŭniki ŚMI pryjšli, a voś samich pradprymalnikaŭ čamuści nie nazirałasia.
Z druhoha boku praśpiektu nie biez asałody za dziejańniem naziraŭ lider «Pierśpiektyvy» Anatol Šumčanka. Jon jašče napiaredadni prahnazavaŭ pravał akcyi.
«Vaźmicie intervju ŭ pradprymalnikaŭ. Ich tut až dva», — žartavaŭ były palitviazień Mikoła Statkievič. Byli Siarhiej Haraŭcoŭ sa Ždanovič i Ihar Lednik z Barysava.
Kali hadzińnik pakazvaŭ 12:32 na płoščy źjaviŭsia i Makajeŭ. Adrazu pytańnie, čamu spaźniŭsia? Zajmaŭsia asabistymi spravami. Dzie inšyja pradprymalniki? Mabyć, čas nie pryjšoŭ.
Na tym akcyja i skončyłasia.