Śledčy kamitet vyśviatlaje akaličnaści zdareńnia ŭ vajskovaj čaści ŭ Minsku: 21-hadovy vajskoviec byŭ 13 krasavika špitalizavany z traŭmami, charakternymi dla padzieńnia z vyšyni.
Raspačata kryminalnaja sprava pa č. 1 art. 145 Kryminalnaha kodeksa, paviedamlaje pres-słužba viedamstva.
Śledčyja adpracoŭvajuć roznyja viersii. Sabranyja źviestki dajuć padstavy śćviardžać, što jaki-niebudź kantakt inšaj asoby z vajskoŭcam u prybiralni na čaćviortym paviersie kazarmy adsutničaŭ. Jon znachodziŭsia ŭ pamiaškańni adzin.
Staranna vyvučajecca maralna-psichałahičny klimat u kalektyvie. U vypadku, kali buduć ustanoŭleny parušeńni, źviazanyja sa ŭzajemaadnosinami ŭ padraździaleńni, takim dziejańniam budzie dadziena adpaviednaja pravavaja acenka.
U ramkach adpracoŭki viersii ab tym, što zdareńnie źjaŭlałasia sprobaj suicydu, asablivaja ŭvaha nadajecca mahčymym matyvam, adznačaje SK.