Dziejny kiraŭnik Ukrainy Piatro Parašenka prybyŭ u NSK «Alimpijski», dzie zapłanavany debaty z kandydatam u prezidenty Uładzimiram Zialenskim, paviedamiła «Ukrainskaja praŭda».
Pierad tym, jak adpravicca ŭ pres-centr, padrychtavany dla praviadzieńnia dyskusii, Parašenka padniaŭsia na scenu, ustalavanuju pierad stadyjonam i źviarnuŭsia da niekalkich tysiač prychilnikaŭ, jakija sabralisia pierad NSK.
«My vybrali debaty, tamu što heta - prykmieta demakratyi… Kali spadar Zialenski ŭžo viarnuŭsia z Paryža, kali dla jaho Ukraina - vyšej za ŭsio, my čakajem jaho dla praviadzieńnia debataŭ… My budziem jaho zaprašać kožny dzień», - zajaviŭ Parašenka.
Sa sceny i z natoŭpu na płoščy ad prychilnikaŭ Parašenki niesłasia skandavańnie «Vova, vychodź! Vova, vychodź!».
Paśla Parašenka adkazaŭ na pytańni žurnalistaŭ. Zialenskaha jon čakaŭ kala hadziny.
