Žurnalisty rasijskaha dziaržaŭnaha telekanała Rasija-1 tajemna źniali na kamieru siabraŭ tavarystva «Śviedki Ijehovy», što znachodzicca ŭ centry Talina, paśla čaho abśmiajali ich u teleefiry, paviedamlaje ERR.
U Rasii dziejnaść «Śviedak Ijehovych» zabaronienaja i pryznana supraćzakonnaj, tamu mnohija členy tavarystva pierabralisia ŭ Jeŭropu. Kreml ličyć nieabchodnym vykryvać i demanizavać dziejnaść arhanizacyi ŭ kantralavanaj z boku dziaržavy rasijskaj miedyjnaj prastory.
Reparciory telekanała Rasija-1 Alena Jarafiejeva i Pavieł Kostrykaŭ prybyli ŭ Šenhienskuju prastoru z Rasii ŭ Finlandyju ź vizami, atrymanymi ŭ pasolstvach Italii i Francyi, paśla čaho prypłyli na paromie ŭ Estoniju.
Pakolki jany viedali pra nieadpaviednaść svajoj dziejnaści žurnalisckim pryncypam, to prychoŭvali realnyja mety svajoj pajezdki i imknulisia nie pryciahvać uvahi estonskich viedamstvaŭ da svajoj dziejnaści. Adźniaty klip vykarystoŭvaŭsia ŭ telerepartažy, u jaki taksama byli ŭklučanyja źniatyja ŭ Finlandyi klipy takoha ž charaktaru.
Ministerstva ŭnutranych spraŭ Estonii zabaraniła abodvum žurnalistam ujezd u šenhienskuju zonu na piać hadoŭ.
