Fota president.gov.by
Pradprymalnik Viktar Prakapienia na sustrečy z Alaksandram Łukašenkam vykazaŭ šerah zaŭvah na adras śfiery adukacyi i daŭ prapanovy pa jaje raźvićci, piša BiełTA.
Jon ličyć, što ŭ śfiery adukacyi zachoŭvajecca zališniaja biurakratyčnaja nahruzka na piedahohaŭ, nie chapaje indyvidualnaha padychodu da kožnaha vučnia. Viktar Prakapienia prapanavaŭ pieravieści dakumientaabarot u škołach całkam u elektronnuju formu, raspaŭsiudzić praktyku virtualnych videaŭrokaŭ, a taksama ŭzmacnić vyvučeńnie anhlijskaj movy. Akramia taho, jon źviarnuŭsia z prośbaj źmianić status Administracyi Parku vysokich technałohij z tym, kab u PVT źjaviłasia mahčymaść akazvać bolš značnuju dapamohu ŭstanovam adukacyi.
Što da apošniaha punkta, kiraŭnik dziaržavy padkreśliŭ, što pytańnie možna vyrašyć značna praściej.
«Sprava nie ŭ statusie. Sprava ŭ prablemie, jakuju treba vyrašyć… Kuča hrošaj u PVT, ale vy nie možacie pa niejkich tam zakavyrkach i zakonach hetyja hrošy kudyści nakiravać. Heta na praciahu sutak vyrašajecca, nie treba status mianiać. Napišy adzin list, ja navat nie budu na ekśpiertyzu adpraŭlać, kali ty mnie raśpišaš, kudy i navošta, ja padpišu na praciahu sutak, — skazaŭ Alaksandr Łukašenka. — Dziela čaho my status mianiajem… Dziela taho, kab vy svaje kroŭna zaroblenyja hrošy mahli padaryć vykładčykam, vučniam abo studentam… Dy boh z vami. Ja hatovy. Choć siońnia skažycie, kolki hrošaj i kudy nakiravać. Ja nieadkładna prymu rašeńnie, pakul biez podpisu. Vusna dam kamandu».
