@gorba_psi
Na parłamienckich vybarach u Indaniezii svaju kandydaturu vyłučyŭ Michaił Harbačoŭ — miascovy žychar, nazvany ŭ honar byłoha prezidenta SSSR. Pra heta paviedamlaje New Straits Times.
Poŭnaje imia 32-hadovaha mužčyny — Michaił Harbačoŭ Dom (Mikhail Gorbachev Dom). Indaniezijec raspavioŭ, što nazvali jaho tak praktyčna vypadkova. «Maje baćki byli ŭpeŭnienyja, što ŭ ich budzie dziaŭčynka. Kali ja naradziŭsia, jany zapanikavali, bo jany nie padabrali imia dla chłopčyka», — rastłumačyŭ jon.
Pavodle jaho słoŭ, prykładna tydzień paśla naradžeńnia ŭ jaho naohuł nie było imia, a zatym baćki zaŭvažyli ŭ haziecie artykuł pra Michaiła Harbačova. Jaho baćku vielmi spadabałasia imia ŭpłyvovaha čałavieka i lidara krainy, i ŭ vyniku syna vyrašyli nazvać mienavita tak.
Dom adznačyŭ, što ŭ junactvie jamu było ciažka i jamu padabajecca, kali jaho nazyvajuć Horba. U toj ža čas imia «pracuje na karyść» jaho palityčnaj karjery. U palityku jon vyrašyŭ pajści paśla niekalkich hadoŭ nieefiektyŭnaj pryrodaachoŭnaj dziejnaści. Dom ličyć, što inšym sposabam damahčysia źmien u śfiery achovy navakolnaha asiarodździa prosta nie atrymajecca.
