Kansiervatyŭna-chryścijanskaja partyja BNF pieršaj dała acenku finansava-ekanamičnamu kryzisu ŭ krainie. Jaje kiraŭnictva pryniało adpaviednuju zajavu:
«U Biełarusi praciahvajecca finansava-ekanamičny kryzis, jaki dzień u dzień paharšaje stanovišča krainy i ludziej. Kryzis pačaŭsia na Zachadzie, ale niepasredna pryjšoŭ da nas z Rasiei i źjaviŭsia vynikam antynacyjanalnaj i ekanamična nieadekvatnaj palityki kirujučaha režymu ŭ Biełarusi».
Pavodle KCHP-BNF, «kiroŭnaja hrupa ŭłady całkam niasie adkaznaść za ciažkija prajavy kryzisu ŭ krainie i ŭ značnaj stupieni vinavataja za jaho ŭźniknieńnie i za razburalny praciah, bo pravodziła zhubnuju i nieadpaviednuju ekanamičnuju palityku.
Jość vialikija sumnieńni, što hetaja palityka budzie źmieniena i što isnujučaje kiraŭnictva krainy zdolnaje vyvieści Biełaruś z kryzisu z najmienšymi stratami. Na paradku dnia paŭstaje pytańnie ab pakidańni pasady Alaksandram Łukašenkam. Sytuacyja patrabuje źmieny ŭsioj ekanamičnaj palityki na karyść nacyjanalnych intaresaŭ, stavić zadaču kardynalnych pieramienaŭ u systemie ŭłady».
