Ministr navakolnaha asiarodździa Litvy paviedamiŭ, što paśla zaćviardžeńnia płana skaračeńnia zabrudžvalnych vykidaŭ žycharam za admovu ad staroha aŭtamabila možna budzie vypłačvać 1000 jeŭra ŭ ramkach zaachvočvańnia kupli novaha aŭto, paviedamlaje Delfi.
«Treba dapamahčy ludziam admovicca, i my ličym, što hetaja matyvujučaja ličba pavinna być kala tysiačy jeŭra, pry admovie ad staroha aŭtamabila i kupli novaha», — skazaŭ ministr Kiastucis Mažejka.
U razhledžanych kabinietam ministraŭ Litvy ŭ sieradu mierapryjemstvach pa skaračeńni zabrudžvalnych vykidaŭ na takoje finansavaje zaachvočvańnie praduhledžana vyłučyć ź dziaržbiudžetu 30 młn jeŭra.
Žychary, jakija admovilisia ad zabrudžvalnych aŭtamabilaŭ, taksama zmohuć atrymać ilhoty na hramadski transpart.
