Najbolšy bank krainy - aščadny bank Biełarusbank - źniziŭ pakazčyk karotkaterminovaj likvidnaści (K2) da 0,5 na 1 śniežnia 2008 hodu. Hetuju infarmacyju padaŭ internet-sajt banku. Na pačatak 2008 hodu hety kaeficyjent składaŭ 1,4.
Varta adznačyć, što najnižejšaha ŭzroŭniu toj kaeficyjent dasiahaŭ na 1 listapada - 0,3, a paśla ŭźniaŭsia.
Zastajecca pytańniem, jak bank vytrymaje ŭcioki srodkaŭ z rachunkaŭ, što raspačalisia ŭ pieršych dniach studzienia ŭ vyniku ažyjatažu, vyklikanaha devalvacyjaj rubla.
Pavodle praviłaŭ Nacbanku, kaeficyjent K2 dla bankaŭ pavinien składać nie nižej za 1.
Hety pakazčyk charaktaryzuje praporcyju aktyvaŭ banku terminam pahašeńnia da 12 miesiacaŭ i abaviazkaŭ banku z terminam vykanańnia da 12 miesiacaŭ.
Možna być peŭnym, što kiraŭnictva krainy nie dapuścić niepłatazdolnaści najbolšaha banku krainy. Adnak patreba uratavać Biełarusbank vyklikaje nieabchodnaść pošuku jašče adnaho značnaha zamiežnaha kredytu. Papiarednie atrymanyja kredyty ad Rasii i abiacany kredyt MVF majuć na mecie papaŭnieńnia zołatavalutnych zapasaŭ, što źnižalisia va ŭmovach padzieńnia nadychodžańniaŭ ad ekspartu.
Kab vypravić situacyju, Biełarusbank iznoŭ uźniaŭ staŭki pa depazitach u biełaruskich rublach. Adnačasova, jak paviedamlaje sajt banku, staŭka pa kredytach źnižajecca až na 5% pry ŭmovie viartańnia kredytu da kanca 2009 hodu.Hetyja zachady majuć palepšyć biahučy rachunak banku, jaki akumuluje 60% aščadžeńniaŭ biełarusaŭ.
