Niekatoryja pieravozčyki padniali košt prajezdu ŭ maršrutkach. Naprykład, padaražeŭ prajezd da 2 rubloŭ u maršrutcy №1077, jakaja idzie ad Sucharava da Kamaroŭki, siońnia košt da dvuch rubloŭ padniali ŭ maršrutcy 1212 ad Sucharava da Čyžoŭki, piša Tut.by
U firmie, mašyny jakoj absłuhoŭvajuć maršrut 1212, paćvierdzili padaražańnie z 11 krasavika i rastłumačyli, što pavyšeńnie koštu prajezdu abhruntavana.
«U nas prajezd kaštavaŭ 1,5 rubla bolš čym paŭtara hoda, chacia ŭžo ŭsie daŭno pa 2 rubli voziać, a ŭ nas samy doŭhi maršrut. Naprykład, maršrutki 1091 stali za 2 rubli vazić ŭžo niekalki miesiacaŭ tamu, — skazali ŭ firmie. — Ale my pakinuli 1,5 rubla ad kančatkovaj da mietro Puškina, a 2 rubli — heta ŭvieś maršrut».
U firmie zapeŭnili, što da leta ŭsie maršrutki padaražejuć, tamu što vydatki rastuć kožny miesiac.
