BiełTA
Prezident Sudana Amar al-Bašyr uziaty pad vartu vajskoŭcami, paviedamlaje arabski telekanał Al-Hadath. Sky News Arabia udakładniaje, što kiraŭnik dziaržavy znachodzicca pad chatnim aryštam.
Taksama pad aryšt uziatyja dziejučyja i byłyja vysokapastaŭlenyja čynoŭniki z atačeńnia prezidenta, u tym liku kiraŭnik prezidenckaj hvardyi, kiraŭnik kirujučaj u krainie partyi «Nacyjanalny kanhres», eks-ministr abarony.
U stalicy Sudana Chartumie 11 krasavika prachodzić sustreča kamandavańnia armii krainy, na jakoj vajskoŭcy vyrašyli adchilić prezidenta Amara al-Bašyra, jaki znachodzicca va ŭładzie bolš za 25 hadoŭ, a taksama raspuścić urad. Masavyja pratesty suprać cenaŭ na chleb pačalisia ŭ krainie ŭ śniežni 2018 hoda. Paśla mitynhoŭcy stali patrabavać adstaŭki prezidenta.
U 2008 hodzie Mižnarodny kryminalny sud vydaŭ order na aryšt al-Bašyra pa abvinavačvańni ŭ hienacydzie padčas kanfliktu ŭ Darfury — rehijonie na zachadzie krainy.
ŚMI: U Sudanie adbyŭsia vajskovy pieravarot. Amar al-Bašyr, što kiravaŭ krainaj 25 hadoŭ, zrynuty
