Dziaržsakratar ZŠA Majk Pampiea zajaviŭ, što Vašynhton zrabiŭ usio mahčymaje, kab pierakanać jeŭrapiejskich partnioraŭ nie budavać hazapravod «Paŭnočny patok-2», ale hetyja namahańni tak i nie prynieśli vynikaŭ.
Sienatary źviarnuli ŭvahu Pampiea na toje, što sa źjaŭleńniem prajekta «Paŭnočny patok-2» niama harantyj taho, što haz praciahnie pastupać u Jeŭropu praz terytoryju Ukrainy. Dziaržsakratar na heta skazaŭ, što Vašynhton pracuje ŭ hetym kirunku z Hiermanijaj, jakaja razam z Rasijaj biare ŭdzieł u prajekcie «Paŭnočny patok-2».
«Niamieččyna, miarkujučy pa ŭsim, źbirajecca praciahvać budaŭnictva hazapravoda. — skazaŭ Pampiea. — My pracujem ź imi nad tym, kab znajści sposab zabiaśpiečyć pastaŭku niekatorych enierharesursaŭ praz Ukrainu».
«My zrabili praktyčna ŭsio mahčymaje, kab pierakanać jeŭrapiejcaŭ, i ŭ pieršuju čarhu Hiermaniju, nie budavać «Paŭnočny patok — 2», ale siońnia pośpiechu ŭ hetym niama», — dadaŭ kiraŭnik Dziarždepu.
