Navukoŭcy Jeŭrapiejskaj paŭdniovaj absiervatoryi pradstavili pieršyja fatahrafii haryzontu padziej čornaj dzirki, jakaja znachodzicca ŭ centry hałaktyki M87.
Na zdymku, jaki apublikavaŭ Nacyjanalny navukovy fond ZŠA (National Science Foundation), znachodzicca areoł pyłu i hazaŭ, dziakujučy jakomu možna prasačyć kontury čornaj dzirki ŭ centry hałaktyki M 87 u suzorji Dzievy za 55.000.000 śvietłavych hadoŭ ad Ziamli.
Sama čornaja dzirka, jakaja stvaraje zvyšmahutnuju siłu pryciahnieńnia — niabačnaja. Tamu fotazdymak dazvalaje astrafizikam upieršyniu acanić jaje miežy.
U Event Horizon Telescope uvachodziać vosiem absiervatoryj pa ŭsim śviecie, jakija, pa słovach astranoma Majkła Bremiera (Michael Bremer), usie razam dziejničajuć jak adzin teleskop dyjamietram 10 tysiač kiłamietraŭ. Heta dazvalaje značna pavialičyć razroźnieńnie zdymkaŭ i ŭzrovień ich detalizacyi.
