Biehły eks-uładalnik jekaciarynburhskaha Płato-banka Andrej Łazaraŭ, jaki asudžany ŭ Rasii da šaści hadoŭ, zatrymany pry sprobie pierasiačy biełaruska-polskuju miažu, paviedamlaje RBK.
Były bankir byŭ zatrymany jašče 30 sakavika pry prachodžańni pamiežnaha kantrolu. Biełaruskija pamiežniki źviarnuli ŭvahu na toje, što pry sabie Łazaraŭ mieŭ padrobleny pašpart hramadzianina Słavienii (tam była zamieniena staronka z danymi). U vyniku pravierki vyśvietliłasia, što Łazaraŭ znachodzicca ŭ vyšuku na terytoryi Rasii.
Ciapier Łazaraŭ zatrymany i znachodzicca pad vartaj na terytoryi Biełarusi. Rasijski bok nakiravaŭ u Minsk zapyt ab jaho ekstradycyi.
Łazarava padazrajuć u złoŭžyvańni słužbovymi paŭnamoctvami i naŭmysnym bankructvie Płato-banka. Pa viersii śledstva, apieracyi ŭ banku mieli prykmiety vyvadu srodkaŭ.
U śniežni minułaha hoda sudom Jekaciarynburha Łazaraŭ byŭ prysudžany da šaści hadoŭ źniavoleńnia.
