Naprykancy sakavika 2019 hoda staršynia Moładzi BNF Dzianis Mandzik pakinuŭ svaju pasadu ź niečakanaj matyvacyjaj — zamiest palityčnaha Alimpu jon vyrašyŭ pasprabavać uzyści na muzykalny.
«Ja adpraŭlajusia ŭ śviet muzyki, spadziajusia dasiahnuć tam našmat bolšych vieličyń», — skazaŭ jon.
«Naša Niva» pacikaviłasia tvorčaściu Dzianisa. Dla realizacyi ŭ muzycy jon abraŭ styl repa, čytaje pad tvorčym imiom, suhučnym z proźviščam: Mandzik. Trekaŭ pakul nie vielmi šmat, artyst rychtuje albom.
Dzianis Mandzik u novym vobrazie, fota z sacsietak
A pra što śpiavaje ŭ sinhłach?
Treba skazać, što Mandzik ździŭlaje bahaćciem vobrazaŭ i čymści nahadvaje rańniaha Jahora Letava:
«My aštrafavany za našeńnie videlca», «padušku nielha zdać u łambard».
Zrešty, u hetym proma-videa artyst tak i kaža pra siabie: «Ja pank ad śvietu repa».
I chacia Dzianis syšoŭ z palityki, syści ad jaje i ŭ tvorčaści nie atrymałasia. A mo i nie chaciełasia? Bo vidavočna, što repier časam čerpaje natchnieńnie z uspaminaŭ ab niadaŭnich časach:
«Moj bratan kedebešnik, a ja machaju z aŭtazaka, našy dzieci — žaŭniery zahinułych bataljonaŭ, a braty lahli za honar hetych šerych rajonaŭ. Pačućcia humaru niama, bo nam nielha ŭśmichacca i na płoščy nielha bolš za troch za raz źbiracca», — čytaje jon.
Pratestnaje recha, treba skazać, hučyć u mnohich trekach:
«Mianie vypuścili pad zakład. Anafiemski sud, rajonny sud… słovy svaje nie biare nazad»,
«Kvitočak da Akreścina — mianie čakajuć siabry»,
«Tut vadamioty palivajuć nas usich na płoščy».
Dzianis pracuje taksama nad svaim imidžam.
A trek «Aktyvist», naprykład, vyhladaje aŭtabijahrafičnym. Chacia ryfma miescami i nie samaja vytančanaja, ale hrubaść stylu pahłyblaje ŭ pieražyvańni chłopca: Dzianis apisvaje vykliki, ź jakimi jamu davodzicca sutykacca ŭ Minsku, i šlachi ich vyrašeńnia.
«Ja stamiŭsia, na hadzińniku amal dvanaccać,
Pju piva na vakzale, pačynaju załupacca,
Iduć dva musara — abaviazkova da***bacca,
Zastajecca dźvie chviliny, kab paśpieć źja***cca».
Ale miesca dla liryki siarod palityčnaha hansta-repa taksama jość, nie bieź jaje.
«Chadziem sa mnoj na dach, tam zorak čaroŭny pach».
«Davaj patančym dyska pad vialikim žoŭtym dyskam, ujavi: ja da ciabie biahu».
Słuchajcie sami, pišycie vodhuki na staroncy repiera ŭ sacyjalnych sietkach, abo ŭ kamientach na «Našaj Nivie».
