26-hadovy žychar Hrodna vyrašyŭ zarabić hrošaj niezakonnym sposabam, paviedamili va UUS.
U hramadzianina byŭ stary aŭtamabil, jaki, pa sutnaści, kaštavaŭ kala piacisot dalaraŭ. Adnak małady čałaviek zmoh znajści žychara Hrodna, jakomu pradaŭ mašynu za try tysiačy dalaraŭ. Prablema ŭźnikła potym, kali praź niekalki dzion transpartny srodak złamaŭsia.
Małady čałaviek zabraŭ aŭtamabil dla «ramontu» i z hetaj nahody staŭ vymahać u žychara Hrodna hrošy na adnaŭleńnie. Ahułam paciarpieły addaŭ jašče kala piaci tysiač dalaraŭ. Zatym hramadzianin zrazumieŭ, što ŭ hetaj situacyi moža być niejki padvoch i stała patrabavać tłumačeńniaŭ z pradaŭca. Toj staraŭsia adhavorvacca, ale spałochaŭsia, kali daviedaŭsia, što ŭ paciarpiełaha jość zapisy ich razmoŭ i pierapiska ŭ sacyjalnych sietkach.
U adzin dzień 26-hadovy mužčyna zajechaŭ u hości da paciarpiełaha, pabiŭ jaho, a zatym vydaliŭ usiu pierapisku i zapisy telefonnych razmoŭ.
Žychar abłasnoha centra zatrymany. Na siońnia ŭ dačynieńni da jaho raspačata 9 kryminalnych spraŭ.
